موضوع: منتجع اتلانتس بدبي الإثنين يناير 25, 2010 1:54 pm
السلام عليكم ورحمة الله وبركاته
منتجع اتلانتس بدبي
تحفة معمارية راقية فاخرة بكل ماتحمل
فندق أتلانتس أو منتجع أتلانتس اللي مايعرف الفرق بين منتجع وفندق .. الفندق يتركز بوسط المدينه، الفندق غالباً وسائل الترفيه محدوده، غرف للنوم فقط ويكون فيه مسبح وSPA وكم مطعم ( وأغلب اللي يسكنون فيه رجال أعمال مسافرين علشان يخلصون أشغالهم))
المنتجع دائماً يكون على بحر أو بعيد عن المدينه ويكون فيه كل شي مطاعم ، مسابح ، كافيهات ، وعلى بحر ، يعني وسائل الترفيه كثيره (( للإستجمام والاسترخاء )) .
أتلانتس فندق ومنتجع بنفس الوقت . إفتتاح الفندق كان شي خيـــالي ،، كلف الإفتتاح أكثر من 25 مليون دولار :
فندق يأتيه ألالف السياح يومياً ، للمشاهده والاستمتاع بوسائل الترفيه الموجوده للزائرين . شوفوا طريق المترو اللي خلص في سبتمبر 2009 م
طبعاً موقعه استراتيجي بجزيرة النخله ،،
الفندق يتكون من أكثر من 1600 غرفه . مطاعم مالذ وطاب ومن أمهر الشيفات ( جمع شيف ) في العالم .
مدينه ألعاب مائيه سعر الدخول بـ 280 درهم وعروض الدلافيين بـ 850 درهم والسباحه معهم والتصوير سعر لحــال بداية الدخول لجزيرة النخله الرائعه .
برج العرب من تدخلون الجزيرة تشوفونه(( بعيد شوي ))
شوفو هذه الأبراج، يعني الشغل يخلص قبل ما يبدأ
أبراج سكنيه كثيره
كوستا كافيه بين الأبراج السكنيه
هنا ماعليك الا انك تمسك المسار الأيمن علشان تاخذ الطريق اللي يوديك لأتلانتس، بس الطريق يخربط شوي، لأن بعدها الشوارع بعضها ماخلصت وفيه كم تحويله يمكن ترجعك لأول الجزيره
الفندق صار جدامكم والجسر اللي على اليسار هو (( المترو ))
الطريق جدام ينتهي، ماعدا الجسر مال المترو يتجه للمنتجع بدون يمين ولا يسار ، واللي معاهم سيارات يروحون يسار وبعدين يدخلون نفق (( تحت البحر ))
بعد النفق راح تحصل نفسك انك ياي للمنتجع من الخلف
( Parking ) اللي يبي يوقف السياره ويمكن تشوفون الفندق بعيد شوي
لكن بسيطه لأنهم موفرين باصات كل 5 دقايق تروح للمنتجع ( يعني لا تشيل هم المشي )
وصلتو للمنتجع
أول ماتدخلو المنتجع بتلاقو ماركات أشكال وأنواع مثل: (( لاكوست )) و (( Porsche Design ))
مطعم للمأكولات البحريه
أكوافنتشر (( أحواض مائيه )) وفيها أنواع وأشكال من الأسماك
بالنسبه للدخول : 100 درهم ( من 12 سنه وفوق ) 75 درهم ( من سنتين إلى 12 سنه ) بلاش للي أقل
قنديل البحــر
سمك أبو شنب، طبعاً فيه أشخاص يشرحون الأسماك وأنواعها
أنواع غريبه من الأسماك
ولله في خلقه شؤون
(( طبعاً أسماك القرش أكثر من 100 نوع واللي يهجم على الإنسان ما يتعدى 20 نوع ))
هذا النوع من الأسماك اسمه (( القرش الحوت )) ولا يهاجم الإنسان
طبعاً اتلانتس هي قصة اسطورية تقول ان جزيرة أو قاره غرقت واختلف العلماء بمكان الغرق. وفندق اتلانتس سمي بهالإسم تشبيه للجزيرة الغارقه ، وحاطين أشياء تحت البحر وكأن الجزيرة غرقت هني في جزيرة النخله .
صور لمجموعة من الأسماك
أسماك وكأنها ورود وزهور من روعة أشكالها
السمكه الفراشه
وبعد ماتطلعون من الأكوافنتشر تحصلون جدامكم مطعم من أحلى المطاعم بالعالم مطعم (( نوبو )) وفيه فرع له بلندن وميلانو ....كذا مدينه بالعالم المطعم ملك لشخصين واحد ياباني والشخص الثاني هو الممثل العالمي الشهير (( روبرت دي نيرو ))
في الطريق إلى اللوبي، وجود الأكوافنتشر بالخارج
لوبي الفندق
جلسات حلوه
الرخام بصراحه ذوق
رسومات مافي أحلى و أروع منها
وبعدها الحديقة المائية والدلافين
آيسكريم من Cold Stone (( توفــي ))
وإليكم صور متفرقة:
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 والحجم 92 كيلوبايت .
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 912x606 والحجم 90 كيلوبايت .
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 912x606 والحجم 117 كيلوبايت .
انشالله عيبتكم دبي MY CITY
~ الــغــلا ~ ஓ عٌــضٌــوُ جًـدٍيـٍـدٌ ஓ
.. الـجٍـنْـس } :
عدد المساهمات : 272
تاريخ التسجيل : 09/03/2009
موضوع: رد: منتجع اتلانتس بدبي الثلاثاء يناير 26, 2010 11:07 am
Wo0oOoOoOoW فندق رووع‘ـه ماشاء الله وبلادكم حلوه .. حلوه بس الوطن ماله مثيل وانشاء الله نزوره قريب
الأحد مايو 23, 2010 12:30 pm من طرف .. ЗṣŁ
:
) في العالم .
)) 
، طبعاً فيه أشخاص يشرحون الأسماك وأنواعها
)) 
